Duke pasur parasysh erërat e forta që po mbizotërojnë aktualisht në Vushtrri dhe paralajmërimet se edhe nesër priten erëra të forta, Komuna e Vushtrrisë apelon te të gjithë qytetarët për kujdes të shtuar.
Komuna e Vushtrrisë apelon për kujdes nga erërat e forta

Në njoftim, apelohet që qytetarët të tregojnë kujdes të veçantë gjatë lëvizjes dhe qarkullimit në trafik, si dhe të shmangin qëndrimin në zona ku mund të rrezikoheni nga rrëzimi i drurëve, degëve apo objekteve të tjera si pasojë e erës.
“Me qëllim të parandalimit të incidenteve dhe mbrojtjes së qytetarëve dhe pronës së tyre, rekomandohet që qytetarët të kenë parasysh këto udhëzime:
▪︎ Të sigurojnë objektet dhe sendet e lehta në ballkone, oborre dhe hapësira të jashtme.
▪︎ Të kontrollojnë dhe sigurojnë tabelat reklamuese, skelat dhe strukturat e tjera që mund të rrëzohen nga era.
▪︎ Të shmangin qëndrimin pranë drurëve, objekteve dhe strukturave të paqëndrueshme.
▪︎ Të tregojnë kujdes të veçantë gjatë qarkullimit rrugor, sidomos në zonat e ekspozuara ndaj erërave të forta.
Apelojmë te të gjithë qytetarët që t’u përmbahen këtyre rekomandimeve dhe të kontribuojnë në parandalimin e situatave të rrezikshme”, përfundon njoftimi.















