Ekonomia Online
FUNDIT

Rrëzohet avioni ushtarak rus në Siberi, raportohet për 17 të vdekur

Rrëzohet avioni ushtarak rus në Siberi, raportohet për 17 të vdekur

Një aeroplan transportues ushtarak i tipit An-12 është rrëzuar në rajonin e Kemerovos, në jugperëndim të Siberisë në Rusi, ku si pasojë kanë humbur jetën të gjithë 17 personat që ndodheshin në bord.

Lajmi është raportuar të martën nga mediumi rus “Izvestia”, i cili bën të ditur se nuk ka të mbijetuar nga aksidenti.

Deri më tani nuk janë bërë të ditura detaje lidhur me rrethanat dhe shkaqet që çuan në rrëzimin e avionit.

Sipas Reuters, guvernatori i rajonit të Kemerovos, Ilya Seredyuk, ka njoftuar përmes kanalit të tij zyrtar në platformën e komunikimit MAX se një aeroplan është rrëzuar pranë fshatit Yagunovo.

Megjithatë, ai nuk ka specifikuar llojin e avionit të përfshirë në aksident.

Autoritetet pritet të japin më shumë informacione lidhur me ngjarjen dhe shkaqet e rrëzimit.

Të ngjashme