Një tërmet me magnitutë 5.7 është regjistruar mesditën e sotme në afërsi të Stambollit në Turqi. Epiqendra e tërmetit ka qenë në detin Marmara, me thëllësi 2 km dhe 66 km në perëndim të Stambollit.

Lëkundjet janë ndjerë të forta në disa qytete dhe kjo ka shkaktuar panik te banorët. Shumë njerëz u dyndën menjëherë në rrugë dhe sheshe nga frika e shembjeve të godinave.

Deri më tani nuk raportohet për persona të vdekur.