Ursula von der Leyen sot qëndron në Serbi

Prishtinë | 28 Tet 2022 | 10:22 | Nga Ekonomia Online

Presidentja e Komisionit Evropian, Ursula von der Leyen, do të jetë sot në Serbi, në kuadër të vizitës së saj në Ballkanin Perëndimor.

Bëhet e ditur se presidenti serb, Aleksandar Vuçiq, do të takohet me të në aeroportin e Nishit, e më pas së bashku do të vizitojnë punimet për ndërtimin e interkonjeksionit të gazit Serbi-Bullgari.

Pas turneut të punimeve është planifikuar që ata të dalin para gazetarëve.

Vuçiq dhe von der Leyen do të takohen sonte në Beograd.

Presidentja e Komisionit Evropian vizitoi Maqedoninë e Veriut të mërkurën dhe më pas qëndroi në Prishtinë dhe Tiranë. Pas Beogradit ajo do të shkojë në Sarajevë, ndërsa vizitën në rajon do ta përfundojë nesër në Podgoricë.

Të ngjashme