Vdes këngëtari Little Richard

Prishtinë | 09 Maj 2020 | 18:42 | Nga Ekonomia Online

Ylli i muzikës rok n’roll, Little Richard ka vdekur në moshën 87-vjecare, ka njoftuar djali i tij, Danny Penniman.

Revista Rolling Stone e ka cituar atë të ketë thënë se ende nuk dihen arsyet e vdekjes së këngëtarit.

Në mesin e këngëve të tij më të famshme ka qenë edhe Good Golly Miss Molly.

Këngëtari, që ka lindur në Xhorxhia, si Richard Wayne Penniman, ka qenë një prej pjesëtarëve të parë të zhanrit rok n’roll.

Ylli muzikor është njohur për performancat e tij të veçanta, zërin e fuqishëm dhe veshjet e pazakonshme.

Ai ka qenë një prej 12 fëmijëve të familjes, i cili ka nisur të këndojë sepse ka dëshiruar të dallohet nga motrat dhe vëllezërit.

“Kam bërë çfarë kam bërë, kam kërkuar vëmendje. Kur kam nisur të luaj në pian dhe të bërtas e këndoj, kam pasur vëmendje”, ka thënë ai më parë për BBC-në.

Të ngjashme