Një person i moshuar ka ndërruar jetë si pasojë e aksidentit të trafikut mes një veture që u përplas me një autobus, mesditën e së shtunës, në fshatin Vrellë të Istogut.

Nga ky aksident, të lënduar, kanë mbetur edhe dy persona tjerë të cilët po trajtohen në Spitalin Rajonal të Pejës.

Këto informacione të fundit rreth aksidentit, për Gazetën Express, i ka konfirmuar zëdhënësi Policisë rajonale të Pejës, Xhevat Ibraj.

Viktima e aksidentit, bëhet e ditur se, ka ndërruar jetë në spitalin e Pejës. Ai ishte i moshuar, mbi 65 vjeç, dhe ndodhej në veturën e cila u përplas me autobus.