Vdes një person në një aksident trafiku në Vranidoll të Prishtinës

Një person ka humbur jetën si pasojë e një aksidenti mes dy veturave në Vranidoll të Prishtinës.

Kështu konfirmoi për Ekonomia Online, Enis Pllana, zëdhënës i Policisë për Prishtinë.

“Rreth orës 12:00, Policia ka pranuar informatën se në fshatin Vranidoll të Prishtinës ka ndodhur një aksident trafiku me pasoja fatale. Në aksident kanë qenë të përfshira dy automjete. Si pasojë e lëndimeve të marra, një person ka humbur jetën. Vdekja e tij është konstatuar nga ekipi mjekësor emergjent në vendin e ngjarjes. Njësitet e Trafikut Rajonal të Prishtinës, në koordinim me prokurorin e shtetit, janë duke ndërmarrë veprimet e nevojshme hetimore për sqarimin e rrethanave të këtij aksidenti”, tha Pllana.