Vidali refuzon Interin, mbetet te Barcelona

Arturo Vidal nuk do të transferohet në Inter, gjatë këtij afati kalimtar të verës.

Barcelona ka refuzuar një ofertë nga Inter për Arturo Vidal, ka njoftuar e përditshmja sportive katalane “Mundo Deportivo”.

Klubi nga Milano ofroi mundësinë e huazimit të mesfushorit kilian.

Mirëpo, Barcelona ishte e gatshme të konsideronte vetëm shitjen e tij, përcjell lajmi.net.

Vidal bëri 33 paraqitje në La Ligë për Barcelonën në edicionin e kaluar duke i ndihmuar skuadrës së trajnerit Ernesto Valverde ta mbrojë titullin e kampionit në Spanjë.