Qytetarët e Serbisë së shpejti do të mund të shohin sa të fuqishme e kemi ushtrinë, sa më të fortë dhe sa më të mirë sesa diku, ka thënë sot kryetari i Serbisë Aleksandar Vuçiq derisa ka vizituar një shkollë ushtarake.

“Që në fillimin e vitit do ta kemi ushtrinë më të fuqishme në rajon”, ka thënë Vuçiq, përcjell televizioni publik serb.

Ai ka shtuar se Serbia tash investon shumë në ushtrinë e vet. Sipas tij, gjatë tri vjetëve të fundit buxheti ka qenë më shumë se 650 milionë euro në vit.

“Ne sot investojmë shumë më shumë, buxheti ynë ushtarak nuk është më 650 milionë euro, por shumë më shumë, për shkak se ne nga burime të tjera i ndajmë edhe 350 milionë euro shtesë, prandaj llogarisni se buxheti ushtarak yni është 1 miliard ose më shumë se 1 miliard euro në vit”, ka thënë Vuçiq.