Kandidati për deputet nga Nisma Socialdemokrate, Vesel Krasniqi, ka deklaruar se mbështetja për këtë subjekt politik po vjen nga të gjitha shtresat e shoqërisë, pa dallime moshe apo bindjeje politike, gjatë tubimit zgjedhor të mbajtur në Malishevë.

Në një postim në rrjetet sociale, Krasniqi ka theksuar se pleq e të rinj janë rreshtuar, sipas tij, njëzëri krah liderit të Nismës, Fatmir Limaj, duke shprehur përkrahje për numrin 122. Ai ka shkruar: “Të gjithë njëzëri, pleq e t’rinj, pa bindje politike, të rreshtuar krah liderit Fatmir Limaj dhe nr. 122”.

Krahas këtij postimi, kandidati për deputet ka shpërndarë edhe një video nga tubimi zgjedhor i Nismës Socialdemokrate i mbajtur në Malishevë, ku shihen pjesëmarrësit dhe atmosfera e aktivitetit elektoral.