Pas diferencës së madhe në vota tek disa kandidatë gjatë procesit të rinumërimit të disa vendvotimeve, ka reaguar edhe Hykmete Bajrami e LDK-së.

Bajrami ka kërkuar rinumërim të votave në të gjithë Kosovën dhe reagim të shpejtë nga organet e drejtësisë.

Ajo thotë se ata që kanë prekur votën duhet të japin përgjegjësi para ligjit dhe qytetarëve.

“Kërkoj rinumërimin e votave në të gjithë Kosovën dhe reagim të shpejtë e efikas nga institucionet e drejtësisë.
Kushdo që ka prekur votën duhet të japë përgjegjësi para ligjit dhe para qytetarëve”, ka shkruar Bajrami në Facebook teksa ka publikuar edhe nenin 216 ku thuhet se “personi që shton, heq ose fshin votat apo nënshkrimet dënohet me 1 deri në 3 vjet burgim, ndërsa nëse kjo vepër penale kryhet nga ndonjë anëtar i KQZ-së ose person tjetër në keqpërdorim të detyrës zyrtare mund të dënohet deri në 5 vjet”.