Avokati mbrojtës i Hashim Thaçit, Luka Misetic, ka përfunduar këtë të mërkure, deklarimet përmbyllëse në gjyqin që po u bëhet ish-drejtuesve të Ushtrisë Çlirimtare të Kosovës, e ku kërkoi nga Gjykata Speciale që të shpallin pafajësinë për të gjitha akuzat sa i përket Hashim Thaçit.

“Të nderuar gjykatës, ju lutem, shpallni pafajësinë për të gjitha akuzat”, ka deklaruar Misetic.

Ai gjithashtu ka falendëruar të gjithë për bashkëpunimin, përfshirë prokurorinë e Hagës.

Pas Misetic, fjalën në seancën e sotme e ka marrë avokati mbrojtës i Kadri Veselit, Rodney Dixon.