I është caktuar masa e paraburgimit prej 30 ditësh Xh.Sh. i cili dyshohet ta ketë dhunuar bashkëshorten e tij.

“Gjykata Themelore në Pejë – Departamenti për Krime të Rënda ka caktuar masën e paraburgimit prej 30 (tridhjetë) ditësh ndaj të pandehurit Xh.Sh., pas kërkesës së Prokurorisë Themelore në Pejë. Paraburgimi i është caktuar të pandehurit për dyshimin e bazuar se, në bashkëkryerje, ka kryer veprën penale dhunë në familje, si dhe mbajtje në pronësi, kontroll ose posedim të paautorizuar të armëve. Koha e paraburgimit llogaritet nga data e arrestimit, më 23.02.2026, ora 14:55, dhe do të zgjasë deri më 24.03.2026”, thuhet në njoftimin e Gjykatës Themelore në Pejë.

Palët kanë të drejtë ankese brenda 48 orëve përmes kësaj Gjykate pranë Gjykatës së Apelit në Prishtinë.