Presidenti francez, Emmanuel Macron bëri thirrje të shtunën për një takim urgjent të Këshillit të Sigurimit të OKB-së pas sulmeve të ShBA-së dhe Izraelit ndaj Iranit dhe hakmarrjes së Teheranit, duke thënë se përshkallëzimi “duhet të ndalet”.

“Franca po bën thirrje për një takim urgjent të Këshillit të Sigurimit të Kombeve të Bashkuara”, shkroi Macron në X.

“Përshkallëzimi i vazhdueshëm është i rrezikshëm për të gjithë. Duhet të ndalet”, shtoi ai, duke paralajmëruar se shpërthimi i luftës midis Shteteve të Bashkuara, Izraelit dhe Iranit mbart “pasoja të rënda për paqen dhe sigurinë ndërkombëtare”.

“Franca është gjithashtu e gatshme të vendosë burimet e nevojshme për të mbrojtur partnerët e saj më të ngushtë, nëse ata e kërkojnë këtë”, tha ai. “Unë jam në kontakt të ngushtë me partnerët dhe miqtë tanë evropianë në Lindjen e Mesme.”

Franca ka disa baza ushtarake në Lindjen e Mesme, veçanërisht në Katar, Emiratet e Bashkuara Arabe dhe Jordani, të gjitha vende që janë shënjestruar nga raketat iraniane të shtunën.