Kampioni i basketbollit kosovar mund të shpallet nesër!

Sfida e katërt mes Bashkimit dhe Trepçës në serinë e finaleve do të jetë me dy qëllime.

Prizrenasit synojnë fitoren për të ngushtuar serinë finale në 3:1, kurse mitrovicasit për të rrëmbyer trofeun për herë të tretë radhazi.

Finalja e nesërme luhet në palestrën ‘Sezai Surroi’ dhe pritet të jetë spektakolare.

Kjo përballje do të transmetohet në platformën më të madhe shqiptare, Artmotion, Sport1.