Begona Gomez është urdhëruar të dorëzojë pasaportën e saj, pasi bashkëshorti i saj, Pedro Sanchez, thotë se çështja është e motivuar politikisht.

Një gjykatës në Spanjë ka vendosur që gruaja e kryeministrit spanjoll Pedro Sanchez duhet të dalë në gjyq për akuzat për korrupsion dhe i ka ndaluar asaj të largohet nga vendi.

Begona Gomez ishte akuzuar më parë pas një hetimi dyvjeçar për përvetësim, ushtrim ndikimi, korrupsion në marrëdhëniet e biznesit dhe përvetësim të paligjshëm të fondeve, raporton TheGuardian.

Gomez, 55 vjeç, mohon çdo shkelje në këtë rast, i cili u shkaktua nga një ankesë nga grupi Manos Limpias (Duar të Pastra), një sindikatë e vetëshpallur me lidhje me ekstremin e djathtë.

Gjykatësi në këtë rast, Juan Carlos Peinado, urdhëroi Gomez të dorëzonte pasaportën e saj, i ndaloi asaj të largohej nga Spanja dhe i kërkoi asaj të paraqitej në gjykatë dy herë në muaj, sipas një urdhri gjykate të lëshuar të shtunën.

Ajo do të përballet me gjyq nga juria në një datë të paspecifikuar.