Mes të hënës dhe të mërkurës, çdo javë të vitit, 30 klubet më të mira të futbollit në Uruguai, lirojnë lojtarët më të mirë të rinj të shkojnë te trajnerët e përfaqësueseve të reja për një kurs që i mëson ata se çfarë iu duhet për t’u bërë profesionistë.

Ky program është pjesë e planit të gjerë të zhvillimit të të rinjve që e ka vendosur seleksionuesi i Uruguait, Oscar Tabarez, i cili dëshiron të sigurohet se vendi i vogël i Amerikës së Jugut do të jetë sfidues i madh edhe në të ardhmen, pasi brezat e rinj do të dalin gradualisht në skenë, shkruan Koha Ditore.

Përfaqësuesja e Uruguait është eliminuar nga botërori “Rusia 2018” në çerekfinale nga Franca, humbje që ka prekur të gjithë, por pavarësisht kësaj, ky shtet mbetet ndër më të organizuarit në botë sa i përket nivelit të përfaqësueses.

Tabarez 71-vjeçar, po ka probleme me lëvizshmërinë dhe ende nuk ka vendosur nëse do të qëndrojë në krye të Uruguait apo jo. Sido që të jetë, programi i tij është aty, vetëm duhet aplikuar.