Kryetari i Komunës së Prishtinës, Shpend Ahmeti, ka komentuar vendimin për dënimin me burgim të 11 ish-zyrtarëve komunalë në Prishtinë.

Në një postim në Facebook, Ahmeti ka shkruar se sot një pjesë e 80 dosjeve gjeti epilogun.

“Ish inspektorët u dënuan me nga dy/tre vite burg që dëshmon se ka ekzistuar rrjet i organizuar kriminel që ka ndihmuar zhvillimin e ndërtimeve pa leje në komunën tonë e që edhe sot ka pasoja të pariparueshme. Nuk mund të flas për lartësinë e dënimeve duke respektuar ndarjen e pushteteve; ato le ti vlerësoj qytetari”, ka shkruar Ahmeti.