Aleanca Kosova e Re përmes një komunikate ka uruar qytetarët e vendit për formimin e ushtrisë.

Njoftimi plotë:

përgëzon të gjithë qytetarët e vendit për formimin e Ushtrisë së Kosovës, e cila do të jetë garantuese e paqës dhe stabilitetit në rajon dhe në aleancë të përjetshme me Shtetet e Bashkuara të Amerikës dhe të gjitha shtetet aleate që e mbështetën fuqishëm Kosovën gjatë gjithë procesit të shtetndërtimit.

Përpjekjet historike për një shtet të konsoliduar dhe sovran të popullit tonë, më në fund po kurorëzohen me formimin e Ushtrisë që buron nga populli liridashës e paqedashës i Kosovës, e që i përket të gjithë qytetarëve të saj, pa dallim.

Aleanca Kosova e Re rithekson se Ushtria e Kosovës nuk është kundër askujt, ajo synon të jetë pjesë e NATO-s dhe t’i kontribuoj qëllimeve madhore të kësaj Aleance kudo në Botë.

Themelet e Ushtrisë së Kosovës janë të vendosura thellë në luftën e pastër dhe të shenjtë të Ushtrisë Çlirimtare të Kosovës, ndërsa populli ynë gjithmonë do të jetë mirënjohës ndaj shtetve që pa rezervë e mbështetën të drejtën e popullit sovran të Kosovës për formimin e Ushtrisë së saj. Kosova e meriton Ushtrinë. URIME!