Sot rreth orën 09:30 në rrugën Prishtinë – Gjilan, saktësisht në fshatin Mramor, ka ndodhë një aksident trafiku, ku ka qenë i përfshirë një automjet.

Zëdhënësja e Policisë së Kosovës për rajonin e Prishtinës, Flora Ahmeti tha se si pasojë e këtij aksidenti dy persona kanë pësuar lëndime trupore dhe të njëjtit janë dërguar për trajtimin e nevojshëm mjekësor, raporton telegrafi.

Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident.