Ambasada e Zvicrës në Kosovë ka thënë se Marrëveshja e Tregtisë së Lirë mes EFTA-s dhe Kosovës, e cila hyri në fuqi më 1 tetor, hap mundësi të reja për bizneset kosovare.
Në një seminar të organizuar nga MINTI dhe Sekretariati i EFTA-s, përfaqësues të institucioneve dhe bizneseve diskutuan zbatimin e marrëveshjes dhe mundësitë që ajo ofron për sektorin privat.
Zëvendësshefi i Misionit të Zvicrës, Christoph Fuchs, theksoi rëndësinë e marrëveshjes për forcimin e lidhjeve ekonomike dhe lehtësimin e tregtisë.
Ambasada tha se tash synimi është që këto mundësi të shndërrohen në përfitime konkrete për bizneset dhe qytetarët.