Figura njerëzore, sidomos portetizmi i gruas është tematika me cilën artisti Gazmend Freitag merret vazhdimisht në artin e tij. Ai me sensualitet dhe pasion krijon portretet dhe aktet e bukura të femrave, të cilat ai i njeh personalisht, me të cilat ka miqësi ose ato vetë janë artiste.

Prandaj pikturimi i aktit të gruas paraqet një prioritet të lartë në krijimtarinë e piktorit Gazmend Freitag. Ai i është përkushtuar aq shumë asaj sa që madje ka ndjekur edhe një kurs përkatës në Universitetin për Art dhe Dizajn në Linz të Austrisë, me qëllim që të fitojë bazat thelbësore dhe me shumë finesë për këtë, transmeton Koha.net.

Nga kjo rezultojnë jo vetëm studimet e shumta me laps, por edhe piktura vaji të formatit të madh, të cilat stilistikisht janë të vendosura midis impresionizmit modern dhe ekspresionizmit, shkruan për të Ursula Pfeiffer.

Ekspozita Erotizmi e Gazmend Freitag, që jeton në Austri, do të hapet më 17 maj dhe do të zgjasë deri më 12 korrik të këtij viti (çdo të enjte) në Strandgut (Linz, Austri) – Shoqata për Arte të Bukura, Kabare dhe Literaturë.