BQK: Qarkullimi i bankënotës 500-euroshe u ndalohet vetëm bankave

Banka Qendrore e Kosovës (BQK) të mërkurën njoftoi se ka ndaluar qarkullimin e bankënotës 500-euroshe, por ka sqaruar se qarkullimi nuk u ndalohet qytetarëve, por bankat nuk mund ta riqarkullojnë atë.

Pra, sipas BQK-së, kjo bankënotë, nuk do të lëshohet nga institucionet financiare.

“Nuk ndalohet qarkullimi i bankënotës 500-euroshe për qytetarët, por bankat nuk mund ta riqarkullojnë (kthejnë në qarkullim) te qytetarët atë”, ka thënë ky institucion në një përgjigje për KOHËN.