Burgoset australiani pasi filmoi policët që po vdisnin

Prishtinë | 28 Pri 2021 | 17:24 | Nga Ekonomia Online

Një australian është dënuar me 10 muaj burgim për filmim dhe tallje të policëve derisa këta ishin të shtrirë për vdekje pas një aksidenti.

Muajin e kaluar, Richard Pusey, u shpall fajtor për akuzën e rrallë për cenimin e mirësjelljes publike si dhe vepra të tjera.

42-vjeçari ka qenë në mbajtje për afër 300 ditë, kështu që për disa ditë ai mbushë dënimin e dhënë.

Gjykatësi që i shqiptoi dënimin i quajti veprimet e tij, “të pashpirta, mizore dhe të turpshme”, shkruan BBC.

Familjarët e viktimave kanë mbetur të zhgënjyer për masën e dënimin që iu shqiptua në një rast që nxiti zemërim të madh të publikut.

Muajin e kaluar, gjykatësi Trevor Wraight ka thënë se media e ka portretizuar Puseyn deri në atë pikë sa ai ishte “me gjasë njeriu më i urryer në Australi”.

Të ngjashme