E konfirmon LSI: Në zgjedhjet lokale do të jemi në aleancë me PD-në

Prishtinë | 31 Gus 2018 | 09:07 | Nga

Kryetarja e LSI-së, Monika Kryemadhi, të enjten, lajmëroi në një takim me strukturat e kësaj partie në Tiranë se opozita do të dalë me një kandidat të përbashkët në zgjedhjet lokale.

“Opozita e bashkuar do të dalë bashkë në zgjedhjet e ardhshme e as që po punon për të gjetur kandidatin fitues për Bashkinë e Tiranës, por e rëndësishme është platforma jonë e përbashkët për uljen e taksave që janë çdo ditë e më shumë që i marrin frymën shqiptarëve, uljen e varfërisë dhe ofrimin e një shërbimi me cilësi të lartë”, u shpreh Kryemadhi.

Sipas saj, do të evidentohen të gjithë socialistët e zhgënjyer nga rilindja dhe do bashkohen forcat progresive të të gjitha strukturave qofshin politike ose jo, në qendrat e votimit për të ngritur barrikadat e protestës dhe revoltës ndaj uzurpimit të rilindjes që i ka bërë qytetit të Tiranës.

Fjalë Kryesore:

Të ngjashme