E shtuna me dy protesta në Shqipëri, PD-ja tek Kryeministria, studentët tek Ministria e Arsimit

Në konferencë për shtyp, Sali Berisha sqaroi se tubimi i thirrur nga Partia Demokratike për të shtunën është një protestë kombëtare e saj.

Ndërkohë, studentët kanë përcaktuar në rrjetet sociale orën 14:00 si pikëtakim para Ministrisë së Arsimit, ndërsa demokratët kanë thirrur protestën për mesditën e së shtunës para Kryeministrisë. Për këtë, Berisha u kujdes të sqarojë pozicionin e selisë blu.

Berisha komentoi para gazetarëve edhe qasjen e kryeministrit për të publikuar portretet gjysmë të mbuluara të studentëve, të shoqëruara me inicialet përkatëse.

Sipas Berishës, me këto përpjekje, Edi Rama synon ta çojë vendin drejt një përplasjeje civile./A2CNN