Fillon vaksinimi i fondit blegtoral në komunën e Ferizajt

Ferizaj | 26 Pri 2018 | 13:32 | Nga

Drejtoria komunale e Bujqësisë dhe Pylltarisë në Ferizaj ka filluar sot aksionin e vaksinimit të kafshëve të cilat janë pjesë e fermave komerciale, kundër sëmundjeve Clostridiale.

Drejtori Burim Bajrami pohoi se duke mbrojtur shëndetin e kafshëve, mbrohet edhe shëndeti i njerëzve, sepse në rast të ndonjë sëmundjeve që prek kafshët shënohen humbje të mëdha për fermat e fermerët.

“Kemi filluar projekti për vaksinimin e kafshëve shtëpiake gjegjësisht të gjedheve dhe deleve për sëmundjet Clostridiale, ndërsa vlera e projektit është diku mbi 13 mijë euro, ndërsa do të vaksinohen diku 3 mijë krerë gjedhe, 7 mijë e 500 krerë dele, si dhe 200 krerë dhi”, shpjegoi Bajrami.

E nga ana tjetër veterinari ferizajas Agron Halimi, është shprehur se ky projekt është shumë i rëndësishëm për fermerët e Komunës së Ferizajt.

“Është projekt shumë i rëndësishëm, sepse mbron shëndetin e kafshëve dhe shëndetin publik, do të ishte mirë që gama e këtij projekti të zgjerohet më shumë”, ka thënë Halimi.

Ndërkaq fermeri Hamdi Baliu i cili në fshatin Neredime ka një fermë të madhe të deleve dhe qingjave thotë se vet nuk do të mund të kryente procesin e vaksinimit ngase është një proces i kushtueshëm. Ai falënderon komunën për kujdesin që po tregon ndaj fermerëve dhe plotësimin e kushteve që marrja me bujqësi të jetë sa më e lehtë.

Projekti i vaksinimit të kafshëve realizohet për çdo vit, ndërsa komunës së Ferizajt sivjet i ka kushtuar rreth 13 mijë euro.

Image may contain: 1 person, standing and outdoorImage may contain: 2 people, people standing, sky, mountain, outdoor and nature

Fjalë Kryesore:

Të ngjashme