Hetuesit bullgarë dërgohen në Shkup për t’ua marrë ADN-të familjarëve të të vdekurve

Prishtinë | 24 Nën 2021 | 17:12 | Nga Ekonomia Online

Një ekip prej gjashtë hetuesish nga Shërbimi Hetimor Kombëtar dhe tre prokurorë të Prokurorisë së Rrethit të Pernikut në Bullgari do të punojnë në procedurën paraprake për aksidentin e rëndë rrugor në autostradën e Strumës me 46 të vdekur, tha për BTV, zëdhënësja e kryeprokurorit, Siika Mileva.

Kryeprokurori i Bullgarisë do t’i dërgojë në Shkup një prokuror dhe një hetues, të cilët do ta dorëzojnë kërkesën për ndihmë juridike në Prokurorinë e Maqedonisë së Veriut. Në funksion të shpejtësisë dhe efikasitetit, ekipi i dërguar do t’i marrë personalisht dokumentet e kërkuara, transmeton Gazeta Express.

Për identifikimin e të vdekurve, ekipi bullgar do ta marrë ADN-në nga familjarët e të vdekurve për t’i krahasuar me profilet e ADN-ve të viktimave, përkatësisht për t’i identifikuar sa më shpejt.

Në funksion të elementit ndërkombëtar të çështjes, prokurorët e Departamentit Ndërkombëtar pranë Prokurorisë së Lartë të Kasacionit dhanë asistencë dhe koordinim të plotë në lidhje me paraqitjen e kërkesës për ndihmë juridike. Janë përcaktuar afatet më të shkurtra të mundshme për dorëzimin e dokumenteve të kërkuara.

Të ngjashme