Dhjetë universitete amerikane që janë prezent në Kosovë po ua prezantojnë nxënësve kosovarë programet e tyre universitare që ofrojnë për studentët ndërkombëtar në Panairin e Universiteteve amerikane “Edukimi Amerikan” që po mbahet në Prishtinë.

Gjatë vizitës që i bëri sot panairit ambasadori amerikan, Greg Delawie, u shpreh tejet i gëzuar për interesimin e madh të studentëve kosovarë për të ndjekur shkollimin akademik në Shtetet e Bashkuara të Amerikës, raporton Ekonomia Online.

“Jam shumë i emocionuar që ka kaq shumë persona të cilët  janë të interesuar të studiojnë në Shtetet e Bashkuara të Amerikës. Për të gjithë ata që nuk kanë mundur të jenë këtu sot mund ta shohin ueb sajtin e Qendrës Amerikane për Këshillim, dhe nëse nuk mund ta gjeni adresën e keni në ueb sajtin e ambasadës amerikane dhe ne do të bëjmë të mundur që ju të merrni informata rreth universiteteve amerikane“, tha ai.

Ai ka falënderuar Qendrën Amerikane për Këshillim të cilët kanë bërë të mundur që panairi të ndodh në Kosovë.

“Është emocionuese për të par të gjithë këta studentë këtu të interesuar për të studiuar në Shtetet e Bashkuara të Amerikës. E falënderoj Qendrën Amerikane për Këshillim të cilët kanë  bërë të mundur që kjo të ndodhë. Çdo kush e ka shansin që të komunikoj direk me përfaqësuesit e universiteteve amerikane” tha ai.

Drejtori i Qendrës Amerikane për Këshillim, Erblir Kadriu, ka thënë se është hera e dytë që panairi po ndodh në Kosovës dhe kjo ka ardhur si rezultat i interesimit të madh të studentëve nga hera e parë.

“Këtu kemi sot dhjetë përfaqësues nga universitetet e ndryshme të shteteve të bashkuara të Amerikës të cilët kanë ardhur që të prezantojnë programet e tyre akademike për studentët dhe nxënësit nga Kosova si dhe të prezantojnë mundësit e ndryshme të bursave që ata i ofrojnë për studentët ndërkombëtar.

Ai ka thënë se vitin e kaluar  interesimi i nxënësve ka qenë jashtëzakonisht i madh ku panairin e kanë vizituar 1 500 persona.

“Sot kemi diku mbi 250 vizitorë të cilët kanë konfirmuar regjistrimin e tyre apo pjesëmarrjen në panair, pra interesimi është mjaft i madh nga ty dyja anët , edhe nga ana e nxënësve edhe nga ana e përfaqësuesve të universiteteve  amerikane të cilët janë këtu” tha ai.

Ai tha se kanë vendosur që këtë event ta bëjnë tradicional.