Këshilli Drejtues i Universitetit të Prishtinës “Hasan Prishtina” ka zgjedhur të mërkurën kryesuesin dhe zëvendëskryesuesin e tij. Kryesuese e KD të UP-së është zgjedhur Ardiana Bunjaku, ndërkaq zëvendëskryesuese Laura Kryeziu, shkuan sot Koha Ditore.

Javën e kaluar ministri i Arsimit, Shkencës dhe Teknologjisë (MASHT), Shyqiri Bytyqi, ka emëruar Ardiana Bunjakun, Drita Shoshin, Laura Kryeziun e Fadil Osmanin për anëtarë të KD të UP-së.

Gazeta pati raportuar se tre nga të propozuarit nga ministri, Ardiana Bunjaku, Laura Kryeziu dhe Fadil Osmani, kanë afërsi me ministrin ose partitë në pushtet.

Kryesuesja e Këshillit, Ardiana Bunjaku, aktualisht është drejtoreshë në Shoqatën e Kontabilistëve të Certifikuar dhe Auditorëve të Kosovës (ShKCAK).