Ministri në largim i Ministrisë për Komunitete dhe Kthim, Dalibor Jevtiq, ka mohuar të ketë përgjegjësi penale rreth dhënies së një veture për shfrytëzim të përhershëm kompanisë private “Radio KIM-TV Centar”, me seli në Çagllavicë.

Ai, të hënën, përmes avokatit të tij mbrojtës i ka kërkuar Gjykatës Themelore të Prishtinës që ta hedhë poshtë aktakuzën kundër tij, duke e konsideruar si të pabazuar, shkruan sot “Koha Ditore”.

Kërkesë për hedhje poshtë të aktakuzës kanë paraqitur edhe dy zyrtarët e tjerë të kësaj ministrie, Nenad Stojqetoviq dhe Mihajlo Pelinqeviq.

Që të tretë janë akuzuar nga Prokuroria Speciale e Kosovës për keqpërdorim të detyrës zyrtare.