(Kali i Trojës i Vetëvendosjes.)

…

Opozita e ka krijuar një monstrum të ri.

Jo pse ka vjedhur.

Jo pse ka tradhtuar.

Jo pse ka kryer ndonjë krim.

Por sepse dyshohet se është greke.

Madje jo greke e zakonshme.

Greke misterioze.

Greke në tentativë.

Pseudo-greke.

Një grua që, sipas legjendës politike,

e drejton Albin Kurtin,

i komandon deputetët,

i manipulon gazetarët dhe

po e rrënon shtetin nga prapaskena.

(Ani pse dihet që është ajo.

E tradhton kapuçi.)

Inteligjenca ende nuk është deklaruar.

Sepse ende nuk është krejt e qartë kush është kjo armike apokaliptike.

A punon për grekët?

Për rusët?

Për serbët?

(Se, janë do specifika.)

Për fat të keq.

Vetëm Albin Kurti e di.

Por të gjithë janë të sigurt se është jashtëzakonisht e rrezikshme.

Dhe ka për qëllim ta ripushtojë Kosovën.

Pse?

Sepse ka kapuç të kuq.

Dhe sepse babai i saj quhet Aleksandër.

Emër tepër i dyshimtë për një vend ku shumica e dinë Himnin e Flamurit,

por jo se një Aleksandër (Asdreni) e ka shkruar.

…

Kjo është arsyeja qendrore

pse opozita nuk po e mund Albin Kurtin.

Sepse po grindet me një kapuç.

Dhe duke u grindur me të,

e kanë mitizuar.

E kanë fryrë.

E kanë bërë kulçedër

Ndërkohë që ajo nuk është kulçedër.

Madje, në këtë moment,

zonja po mundohet ta ridëshmojë besnikërinë e vet absolute,

pasi i ka kushtuar shtrenjtë partisë së saj.

Pra, opozita po e ngre në qiell një figurë

që vetë Vetëvendosja mezi po e mban në tokë.

…

EPILOG:

Opozita

po ia jep kundërshtarit dhuratë rolin që ai e kërkon më së shumti:

rolin e viktimës.

E viktimën,

populli nuk e lë vetëm.

…

P.S.

E deshta unë një djalë.

Dhe ai më deshti mua.

Por asnjëri nuk ishte grek.

…

AUTOKRITIKË:

Po ti,

ç’ke që hyn në rend të grave?

Se…

dikush duhet ta mbrojë Greqinë.

…