Një grua ukrainase e ka marrë emrin “Zonja Vdekjepruese”.

Identiteti i saj nuk dihet.

Ajo po lufton me snajper kundër ushtrisë ruse.

Ukrainasja ishte bashkuar ushtrisë së vendit të saj në vitin 2017-të duke luftuar kundër separatistëve pro rus në Luhansk dhe Donetsk.

Gruaja u tërheq nga fronti disa muaj para se presidenti i Rusisë Vladimir Putin, të nis sulmet në Ukrainë.

Snajperistja iu bashkua sërish ushtrisë gjegjësisht batalionit 35-të të këmbësorisë.

Ajo tha se duhet të vritën të gjithë rusët.

“Duhet t’i vrasim të gjithë. Rusët nuk janë njerëz. As fashistët nuk kanë qenë mizorë sa këta përbindësha”.

Kjo grua krahasohet me snajperin Lyudmila Pavlichenko, e cila vrau 309 nazistë në Luftën e Dytë Botërore dhe thuhet se kurrë nuk ka humbur një duel snajperësh gjatë viteve të saj në ushtri.

Duke ndjekur gjurmët e Pavlichenkos, “Zonja Vdekjeprurëse” po kthehet në simbol të rezistencës ukrainase.