Llapi eliminohet, Ferizaj për herë të tretë në finale të Kupës së Kosovës

Ferizaj siguron finalen e Kupës së Kosovës mes tensioneve në tribunë.

Ndeshja gjysmëfinale mes Ferizaj dhe Llapi u shoqërua me incidente, pasi tifozët vendas hodhën gjësende në fushë, duke detyruar gjyqtarin Alban Gashi të marrë vendim drastik.

Takimi u ndërpre përkohësisht dhe stadiumi u zbraz plotësisht nga shikuesit, ndërsa loja rifilloi pas rreth 18 minutash në kushte të pazakonta.

Në aspektin sportiv, ndeshja përfundoi pa gola 0-0, por ky rezultat i mjaftoi Ferizajt për të siguruar kualifikimin në finale, falë fitores 1-2 në ndeshjen e parë në Podujevë.

Kjo është hera e tretë që Ferizaj arrin finalen e Kupës së Kosovës, pas dy edicioneve radhazi 2011/12 dhe 2012/13, ku megjithatë nuk arriti të triumfojë, duke u mposhtur nga Trepça ’89 dhe Prishtina.

Në finalen e madhe, Ferizaj do të përballet me Dukagjinin, në një duel që premton emocione dhe luftë për trofeun.