Ministri i Zhvillimit Ekonomik, Valdrin Lluka, priti në takim ambasadorin jorezident të Katarit për Kosovë, Ali Bin Hamad Al Marri, me të cilin diskutoi rreth mundësive për bashkëpunim ekonomik në sektorët të cilat mbulon MZhE.

Lluka falënderoi ambasadorin Ali Bin Hamad Al Marri për vizitën me që rast e njoftoi rreth fushëveprimit të ministrisë së zhvillimit ekonomik dhe kërkoi që të shqyrtohen mundësitë që të rritet bashkëpunimi ndërmjet Kosovës dhe Katarit.

“Ministria e zhvillimit ekonomik vepron në disa sektorë ndër to energjia, teknologjia informative, minierat dhe energjia fusha në të cilat ka potenciale të mëdha dhe qe janë të hapura për investime. Shfrytëzoj rastin të ju bëjë thirrje të shikoni mundësitë të cilat ofrohen në këto fusha dhe të ftohen bizneset nga Katari që të investojnë” u shpreh Lluka.

Në anën tjetër ambasadori Ali Bin Hamad Al Marri tha se është i lumtur që po e viziton Kosovën dhe e falënderoi Llukën për pritjen dhe informimin rreth gjendjes në sektorët që ministria mbulon, ku tha se do të shihen mundësitë për rritjen e bashkëpunimit ndërmjet Katarit dhe Kosovës.

Poashtu temë e diskutimit ishte edhe sektori i ujërave të Kosovës me synim që të tërhiqen investime nga Katari.

Në fund Lluka ndau një dhuratë për ambasadorin joresident të Katarit Ali Bin Hamad Al Marri.