Modesta Uka u tregua modeste kur nisi të flasë për karrierën e saj, pas debutimit me Përfaqësuesen A të Kosovës në futboll.

Nuk fliste shumë. Përgjigjet i kishte të shkurtra. Vazhdimisht insistonte se u takon të tjerëve të vlerësojnë për të. U tregua e sinqertë duke thënë se në fillim të karrierës madje nuk ka ditur as të pozicionohet në fushë.

Vlerësimi i të tjerëve, për të cilin insiston futbollistja e re, është shumë pozitiv.

Ndër të tjera, ajo është vlerësuar lart nga përzgjedhësja e Kosovës, Afërdita Fazlija.