Në Berlin shpërthejnë municionet e Luftës së Dytë Botërore

Firefighters battle a wildfire near the village Klausdorf, about 85 kilometers (53 miles) south of Berlin on Friday, Aug. 24, 2018. (Patrick Pleul/dpa via AP)
Prishtinë | 24 Gus 2018 | 16:54 | Nga

Një numër i municioneve të Luftës së Dytë Botërore shpërtheu, duke i vënë zjarr një pylli rreth 65 kilometra në jug-perëndim të Berlinit.

Zjarrfikësit fillimisht nuk mundën të hynë në zonën e prekur për shkak të municioneve në tokë, teksa zjarri në qytetin Treuenbrietzen filloi të enjten pak pas mesditës.

“Municioni i mbetur është i ndarë në të gjithë zonën dhe sasia totale e materialeve të pashpërthyera nuk dihet” tha Raimund Engel, administrator i krizave te zjarrit për shtetin e Brandenburgut.

Të paktën 550 zjarrfikës, policë dhe anëtarë të ushtrisë u thirrën për t’i vënë nën kontroll flakët, së bashku me tre helikopterë.

Sipas autoriteteve gjermane, rreth 400 hektarë pyje u dogjën gjatë shpërthimit të këtij zjarri.

Të ngjashme