Hashim Thaçi është njëra prej figurave më të rëndësishme të historisë së Kosovës, deshën apo nuk deshën ata që sot e kanë rrokë pushtetin, si dhe deshën apo nuk deshën edhe ata qe Hashim Thaçin e kane e pâ si figurë negative edhe ne vitin 1997, ne vitin 1998, apo edhe ne vitin 1999.

Ne kulmin e fuqise politike te tij, prej vitit 2015 deri ne diten kur ai eshte arrestuar, politikisht kam qene kunder tij. Deshmi i kam qindra shkrime dhe dhjetra intervista. Ka qene marifet dhe – pa modesti – ka qene guxim me u perballe me te kur ai e kishte ne dore gjithe pushtetin e mundshem.

Tash kur peshorja e forces anon dikah tjeter, e konsideroj trimeri dhe kurajo qytetare me kerku prej Tribunalit te Hages transparence per rastin Thaci dhe te tjeret. Deri me sot, kur ka kaluar nje vit prej arrestimit te tij, Tribunali Special ka deshtu ne cdo segment te punes se vet.

Prokuroret e Tribunalit Special, por edhe gjykatesit e ketij tribunali, te bindur qe qeverine e Kosoves e kane pas vetes, te bindur qe edhe nje pjese e publikut po i mbeshtete pa kushte, nuk po hezitojne qe ta çojne deri ne fund brutalitetin ndaj Thaçit dhe te tjereve.

Si eshte e mundur qe Tribunali i Hages t’ia mundesonte qe te mbrohej ne liri edhe ish shefit te UDB’se, Stanishicit, qe te mbrohej ne liri deri ne fillimin e gjykimit, kurse “gjykata vendore e Kosoves” te mos e aplikoje te njejtin standard edhe ndaj ish presidentit dhe ish udheheqesit te delegacionit te Kosoves ne Rambuje?

Ky nuk quhet gjykim, kjo quhet perndjekje.

Per cka saktesisht po akuzohet Thaci? Ku eshte raporti i Dick Marty’it? A kane rene ato dyshime apo qendrojne edhe me tutje?

Keto pyetje pa asnje frike duhet te shtrohen prej nesh. Kam qene kunder tij ne zgjedhjet e vitit 2014, ne zgjedhjet e vitit 2017, ne zgjedhjet e vitit 2019 dhe ne cdo pale zgjedhje te tjera lokale. Kam qene kunder qe ai te behet edhe President i Kosoves.

Kam qene politikisht kunder tij. Kam pase deshire me e pa ne pension, e pse jo edhe te perballet me cdo dyshim per korrupsion gjate qeverisjeve te tij. Mirepo nuk jam per eliminimin e tij politik, permes metodave komuniste.

Nje numer i madh i njerezve qe sot kerkojne qe Thaci te denohet me cdokusht, bile sipas tyre nuk ka nevoje as per gjykim, e urrejne Thacin pse eshte i Drenices, pse eshte i Brojes, pse eshte ai qe eshte. E urrejne Thacin ad hominem.

Mirepo Hashim Thaci, kur ne do ta krijojme nje distance te mjaftueshme kohore, do te jete i patejkalueshem. Nuk mund te retushohet fotografia e tij me uniforme duke e takuar Chris Hillin ne mal. Nuk mund te retushohen as fotot e tij ne Rambuje, e nuk mund te retushohen as fotot dhe videot e shpalljes se pavaresise.

Per arsye te ndryshme, Thaci dhe Rugova jane dy figurat kryesore te pavaresise se Kosoves.