Patriarku Porfirije tha në liturgjinë e Krishtlindjes, në kishën e Shën Savës në Beograd, se paqja është vlera e fundit dhe se duhet të luten veçanërisht për paqen në Kosovë, si dhe se e keqja që ndodhi në Shtërpcë, sulmi ndaj dy të rinjve serbë, nuk duhet ta turbullojë gëzimin e Krishtlindjes, shkruan Tanjug.
“Të gjithëve ju uroj paqe, gëzim dhe dashuri dhe kësaj radhe le t’i kujtojmë të gjithë vëllezërit dhe motrat tona, të gjithë të krishterët ortodoksë kudo që jetojnë – paqja qoftë me të gjithë njerëzit, veçanërisht në Kosovë”, tha patriarku gjatë predikimit në liturgjinë e mesnatës.