Dega e PDK-së në Podujevë, ka vazhduar të akuzojë kryetarin që vjen nga radhor e LDK-së, Agim Veliun.

Në një komunikatë të kësaj dege, thuhet se udhëhëeqja aktuale ka degraduar arsimin në këtë komunë.

Komunikata e plotë e PDK-së së Podujevës:

Arsimi dhe arsimimi janë dy koncepte te ndryshme. Prandaj, ne ju faktojmë se pushteti qe ju e zotroni për momentin nuk ka treguar se ju e mbroni atë. Në fakt ju e keni degraduar dhe e degradoni duke inkurajuar dhe ngritur te pa arsimuarit me “arsim”, në dëm të të edukuarve dhe atyre që përbëjnë sistemin e mirefillt të arsimit!

Degës së LDK-së në Podujevë pasi i mungojnë argumentet për keq-qeverisjen, përbaltë mësimdhënësit dhe për këtë mundohet që fajin ta hedh tek PDK-ja, edhe pse ajo e thotë vet me zë dhe figurë. Punonjësit e arsimit kanë sakrifikuar shumë. Kjo është e ditur botërisht dhe për këtë PDK ndihet shumë krenare ashtu siç ndihen qytetarët, përveç jush. Por arsimin e ka katandisur pushteti aktual në Podujevë dhe meqë e ka katandisur aq keq, këta mundohen që t’i përbaltin punonjësit arsimor, por kjo bëhet në mënyrë perfide se gjoja të tjerët e thonë.

Të nderuar pushtetarë, i nderuari Veliu, tregoni qytetarëve llapjan, pse nuk morët masa kundër ish drejtorit, Sheqir Krasniqi, në shkollën M.U. “Afrimi dhe Fahriu”, në Lluzhan, i cili vazhdimisht mbante revole brenda objekteve të shkollës, me te cilën iu kërcënua me vrasje teknikut të kësaj shkolle, por e dekoruat duke e emëruar zv.drejtor në shkollën fillore “Ibrahim Rugova”, në qendër të qytetit të Podujevës, dhe që është e kundërta me filozofinë paqësore të ish liderit tuaj historik, sepse ai ishte kundër armëve.

Apo e vërteta tjetër, se ky ka edhe bashkëshorten asambleiste të partisë suaj që e drejtoni dhe dëshironi që këto raporte klienteliste të ruhen e të mos zvetënohen?!

Taktikat para elektoratit për t’u dukur ndryshe ngaqë jeni, tashmë nuk i hanë as adoleshentët, e jo elektorati i pjekur që çdo ditë e më shumë është duke ju injoruar dhe duke ju kthyer shpinën, për mospërmbushjen e premtimeve të shumta që u keni dhënë dhe nuk i keni realizuar.