Pesëmbëdhjetë persona janë konfirmuar të vdekur pasi një autobus dhe kamion u përplasën në një autostradë në Veracruz këtë mëngjes.

Sipas mediave të huaja, përcjell Telegrafi, autoritetet kanë thënë se aksidenti ndodhi në orën 10:25 në një shtrirje të autostradës Puebla-Veracruz në Maltrata, një komunë rreth 20 kilometra në lindje të Orizabës, Meksikë.

Sipas të dhënave, të dy automjetet u përmbysën dhe shpërthyen në flakë.

Shumica e të vdekurve ishin udhëtarët e autobusit, të bllokuar brenda automjetit të djegur. Të dy personat që u gjenden në kamion thuhet se vdiqën gjithashtu.

Autoritetet thanë se numri i të vdekurve mund të rritet për shkak të gjendjes së rëndë të disa prej 35 personave të lënduar.

Policia shtetërore, federale dhe komunale gjithashtu shkuan në vendin e aksidentit, si dhe zjarrfikës, të cilët shuan makinat e djegura. Autostrada ishte e mbyllur në të dy drejtimet. /Telegrafi/