I nominuari për kryeminiostër nga Koalicioni PDK-AAK-Nisma, Ramush Haradina, ka mbajtur sot tubim zgjedhor në Podujevë.

“Duke u përkulur përpara sakrificës dhe mundit të çdo qytetari të vendit tonë, ndjehem më i obliguar si asnjëherë më parë që Llapit, Kosovës t’i japim zhvillim ekonomik e punësim”, ka thënë Haradinaj.

“Jemi bërë bashkë e përcaktuar fuqishëm edhe në Llap që Kosovën ta bëjmë një shtet ku s’do të ketë më dallime rajonesh e as diskriminim qytetarësh”.

“Llapin e Zahir Pajazitit e kam në zemër! Kosova është një dhe e të gjithë qytetarëve të saj. Po e krijojmë një Kosovë me vlerë të re”, ka theksuar kreu i Aleancës.