Aleanca Kosova e Re ka zgjedhur nënkryetarin e saj të ri që është, Korab Sejdiu.
Këtë e ka konfirmuar vet Sejdiu përmes një statusi në llogarinë e tij në Facebook, transmeton Indeksonline.
“Mbrëmë pranova një përgjegjësi të madhe – Presidenti Pacolli dhe Kuvendi i AKR më besuan detyrën e Nënkryetarit të AKR-së”, ka shkruar Sejdiu.
Falënderues ndaj presidentit të partisë, Behgjet Pacollit, dhe kolegëve të tij në AKR, ai ka premtuar se do punojë fort nga posti i ri brenda AKR-së.
“Falënderoj Presidentin Pacolli dhe Kuvendin e AKR që më besuan këtë përgjegjësi. Nuk do të kursej asnjë përpjekje që të kontribuoj për zhvillimin e AKR si koncept politik liberal në Kosovë, dhe si shpresë për qytetarët tanë të lodhur”.
“Por, mbi të gjitha, unë dhe bashkëveprimtarët e mi do të jemi të palodhur në përpjekjet tona për t’i shërbyer popullit tonë të madh. Ju falënderoj dhe ju ftoj qe t’i bashkoheni qëllimit tonë”, është shprehur ai.