QIKA promovon barazinë gjinore në sportet shkollore në Kosovë

Gjetjet e dala nga këto vizita dhe diskutime kanë shërbyer si bazë për hartimin e një dokumenti të politikave mbi Barazinë Gjinore në Sportet Shkollore.

Dokumenti trajton pengesat dhe pabarazitë ekzistuese në pjesëmarrjen e fëmijëve në aktivitetet sportive, duke ofruar rekomandime konkrete për garantimin e mundësive të barabarta për vajzat dhe djemtë.

Përmes këtij dokumenti, QIKA synon të kontribuojë në promovimin e barazisë gjinore dhe krijimin e mjediseve sportive shkollore më të sigurta, gjithëpërfshirëse dhe pa stereotipe gjinore, ku çdo fëmijë ka mundësi të barabarta për të marrë pjesë dhe për t'u zhvilluar përmes sportit.