Rrëzohet një helikopter në Turqi, katër ushtarë humbin jetën

Për pasojë, siç raportohet, kanë humbur jetën katër ushtarë që ndodheshin në bord.

Lajmi është konfirmuar nga Ministria e Mbrojtjes Kombëtare e Turqisë, me ç’rast deklaruan se shkaqet e incidentit akoma janë të panjohura.

“Një helikopter i tipit S-70 është rrëzuar në Malatya për një arsye ende të panjohur. Ekipet kanë arritur në vendin e rrëzimit dhe operacionet e kërkim-shpëtimit kanë nisur menjëherë”, thuhet në njoftimin e ministrisë, të publikuar nga CNN i Turqisë.

Pas rrëzimit, në zonën ku përfundoi helikopteri shpërtheu zjarr, i cili u përhap edhe në një shtëpi aty pranë.