Vinicius nuk e përjashton largimin nga Real Madridi – shkak janë fyerjet e vazhdueshme raciste

Prishtinë | 07 Shk 2023 | 13:21 | Nga Ekonomia Online

Vinicius është në qendër të polemikave edhe një herë, pas ndeshjes ndaj Mallorcas ku u pa duke argumentuar me Maffeon dhe Raillon, ai u tall nga tifozët dhe mori fyerje raciste.

Braziliani e di se kush janë fajtorët për të gjitha këto që ndodhin dhe ata nuk janë askush tjetër veç se gjyqtarët dhe La Liga.

Sipas Cadena Ser, lojtari është i ngopur me arbitrat spanjollë. Ai nuk e kupton që në çdo ndeshje i bëjnë një numër të madh faullesh dhe se ata nuk bëjnë asgjë për ta ndaluar. E vërteta është se Vinicius nuk e kupton që kur luan në garat evropiane apo në Brazil, nuk përballet me skena si në La Liga.

Vinicius, sipas Cadena Ser, nuk e kuptoi se në ndeshjen ndaj Mallorcas, ai pa një karton të verdhë në minutën e 44-të për një faull që nuk ishte bërë dhe që Maffeo nuk u ndëshkua me të kuq, por vetëm me të verdhë në minutën e 87-të. Braziliani është në dijeni për provokimet që ka brenda fushës sepse i sheh si diçka që kanë të bëjnë me futbollin.

Lidhur me racizmin, Vinicius kërkon përgjegjësi të vazhdueshme nga La Liga. Ai beson se ata duhet të bëjnë më shumë për të luftuar qëndrimet raciste dhe jo vetëm të lëshohen komunikata.

Braziliani beson se sanksionet do të ishin shumë më efektive për t’i dhënë fund racizmit.

Nga ana tjetër, përveç asaj që shpjegoi RVV-ja, Vinicius konsideron gjithashtu se disa media po e shkaktojnë këtë situatë, duke e vënë atë gjithmonë në faj për gjithçka dhe kjo do të thotë se ka më shumë persona kundër tij.

Vinicius është i lumtur në Real Madrid dhe nuk e ka menduar kurrë largimin, por e ardhmja mund ta detyrojë atë që të shkojë në një ligë tjetër.

Të ngjashme