Ushtria amerikane njofton se një ushtar amerikan është vrarë dhe disa të tjerë janë plagosur në një betejë me militantët e Shtetit Islamik (ISIS) në Afganistan.
Po ashtu, sipas ushtrisë amerikane, disa pjesëtarë të forcave afgane janë plagosur në luftimet e së mërkurës në rrethinën Achin të provincës Nangarhar, bastionin e militantëve, transmeton Express.
Militantët e ISIS-it kanë fituar terren në vitet e fundit në Afganistan, ku luftojnë kundër forcave qeveritare të mbështetura nga SHBA-ja dhe talibanëve.