Kryetari i Kuvendit të Maqedonisë, Talat Xhaferi deklaroi se dhënia e mandatit për formimin e Qeverisë së re tregon për kthjellimin e presidentit George Ivanov pas të gjitha pengesave që paraprakisht i bëri këtij procesi.
Sipas tij, Ivanov ka përgjegjësi edhe për ngjarjet më 27 prill në Kuvend, ku u ushtrua dhunë mbi deputetët e shumicës.
Xhaferi tha se pret koordinim mes partive për të caktuar seancë parlamentare ku do të shpaloset program qeveritar dhe do të zgjidhet edhe çështja e zgjedhjeve lokale.