Deputeti i PDK-së, Mergim Lushtaku, ka thënë se nga takimi i thirrur nga presidentja presin një rezultat që i përgjigjet situatës politike aktuale, raporton Ekonomia Online.

“Shpresoj që të gjithë t’i ulin egot dhe ta shikojnë situatën me më shumë përgjegjësi, në mënyrë që të tejkalohet ky ngërç që është krijuar deri më tani. Shpresoj po ashtu që ftesës t’i përgjigjet edhe partia që ka fituar 48 mandate, në mënyrë që të kemi një rezultat që i përgjigjet realitetit politik”.

“Mbetet të shihet edhe qëndrimi i kryetarit të partisë. Do të diskutojmë këtë çështje si në grupin parlamentar ashtu edhe në institucionet partiake,” ka shtuar ai.

vendit.

“Po shohim që ka kokëfortësi nga mazhoranca e deritashme dhe deri më tani nuk ka asnjë ndryshim, bilës po shpik forma të ndryshme vetëm e vetëm që të mos e hedh në votim kandidatin e tyre në Kuvend që po shihet qartë se po dështon çdoherë. Numrat nuk janë të mjaftueshëm për zgjedhjen e kryetarit dhe konstituimin e Kuvendit. Është kokëçarje dhe tallje me qytetarët pse kjo kokëfortësi nga një parti politike, së paku të ndryshojë kandidatin dhe të ketë propozime të ndryshme për të dalë nga kjo situatë. Ne si deputetë, po ndihemi sikur jemi në një çerdhe të fëmijëve”, deklaroi Lushtaku në hyrje të Kuvendit, ku pritet të tentohet për të 15-tën herë zgjidhja e ngërçit konstituues të Kuvendit