Një person ka mbetur i lënduar si pasojë e një aksidenti të trafikut që ka ndodhur sot në magjistralen Prishtinë-Ferizaj.

Lajmin për Gazetën Express e ka konfirmuar zëdhënësja e Policisë së Kosovës për rajonin e Prishtinës, Flora Ahmeti, e cila tha se personi i lënduar ka pësuar lëndime të lehta trupore.

“Rreth orës 15:00, në rrugën Prishtinë-Ferizaj, ka ndodhur një aksident i komunikacionit rrugor ne mes dy automjeteve. Si pasoj e aksidentit lëndime të lehta trupore ka pësuar një person. Me rast po merret Njësiti i  Trafikut”, tha Ahmeti.